Texnoloji

NASA İsraillə əməkdaşlığa başlayır

15 Oktyabr 2015 03:13

ABŞ Kosmik Agentliyi (NASA) və İsrail Kosmik Agentliyi (Israel Space Agency - ISA) arasında əməkdaşlığa dair saziş imzalanıb.

Publika.az-ın Rabitə və Yüksək Texnologiyalar Nazirliyinin saytına istinadən verdiyi xəbərə görə, sənəd Yerusəlimdə keçirilən beynəlxalq astronavtika konqresi çərçivəsində “NASA” rəhbəri Çarlz Bolden və "ISA” direktoru Menahem Kedron tərəfindən imzalanıb.

Ç.Boldenin sözlərinə görə, bu əməkdaşlıq “NASA” üçün agentlik əməkdaşlarının İsrailin bütün innovativ texnologiyalarından bəhrələnməsi üçün imkan yaradacaq.

“Ölkələrimiz təkcə təhlükəsizlik sahəsində deyil, həm də kosmik məkanın mənimsənilməsi, eləcə də digər elmi layihələrdə uzun müddətdir əməkdaşlıq edir. Biz İsrail ilə imzalanan saziş sayəsində yeni kəşfləri səbirsizliklə gözləyirik”, - agentlik rəhbəri qeyd edib.

Öz növbəsində İsrail təmsilçiləri əmindirlər ki, İsrail Dövlətində hazırlanan texnologiyalardan Marsa planlaşdırılan uçuşlar zamanı istifadə ediləcək.