Texnoloji

“YouTube” platforması 85 ölkədə lokallaşdırılıb

18 Oktyabr 2015 05:13

“YouTube” şirkəti videoplatformanın lokal versiyalarını 85 ölkədə istifadəyə verib. Bu siyahıya son əlavə olunanlar arasında Adriatik və Baltikyanı ölkələr, Azərbaycan, Bolqarıstan, Gürcüstan, Qazaxıstan və Belarus yer alıb.

“YouTube”un dünya bazarına gələcək nüfuzetməsindən danışan şirkət nümayəndələri qeyd ediblər ki, bu gün platformada gündəlik baxılan videoların 80 faizini ABŞ-dan kənarda yaşayan tamaşaçılar təşkil edir.

Platformanın “Youtube.by” və “Youtube.kz” kimi lokal versiyalarının istifadəyə verilməsi kontent müəlliflərinə videosaytın tərəfdaşı olmağa, öz kanallarında pul qazanmağa, eləcə də alət və resurslardan istifadəyə imkan verəcək.