Texnoloji
Əlaçı şagird, bitməyən ali təhsil və silah kolleksiyası - Kasperskinin həyatından 10 FAKT/ FOTOLAR
Kris Kasperski - dünya şöhrətli rusiyalı haker. 90-cı illərdə kompüterlə maraqlanan hər kəs onu yaxşı tanıyır. Publika.az tanınmış hakerin həyatından 10 faktı təqdim edir.
1.Əsl adı
Krisin əsl adı Nikolay Vladimiroviç Lixaçevdir. Çoxdandır heç kim onu bu adla çağırmır. Tanınmış hakerin əsl adı demək olar ki, unudulub. Çoxları üçün o, sadəcə olaraq, Kris Kasperskidir.
2. Ləqəbləri necə yaranıb
Kris sözünün siçovulla və ya Yevgeni Kasperskinin soyadı ilə heç bir əlaqəsi yoxdur. Kasperski familyası hakerin “Kasperin qorxu məktəbi” cizgi filminə olan sevgisindən yaranıb.
3. Sağlamlıqla bağlı problem
Haker bir neçə həftəlik olanda həkim səhvən ona kalsium-xlorid iynəsi vurub. Buna görə haker insult keçirib. Beyinin bəzi hüceyrələri ölüb, onda yüngül autizm yaranıb. Maraqlıdır ki, öz ad günündən başqa, Kris heç bir dəqiq tarixi xatırlamır amma hadisələrin xronologiyasını kompüterlərin modellərinə görə bərpa edir.
4. İlk kompüter
İbtidai sinifdə artıq onun kompüteri var idi. Bu Britaniya modeli olan “Oric Atmos”un bolqar dilində olan bolqar modeli - “Правец 8Д” idi. Kompüter maqnitofona və rəngli televizora qoşulurdu. O, bu kompüterlə ilk oyununu yaradıb. Oyunda ekranda irəli-geri hərəkət edən balıqçı təsvir olunur. Balığı tutmaq üçünsə boşluğu basmaq tələb olunurdu.
5. Əlaçı və gümüş medalçı
Kris məktəbi gümüş medalla bitirib. O, dərslərini çox yaxşı oxuyub. Attestatında heç bir “4” olmayıb. Özünün dediyinə görə, qızıl medal almaq üçün rüşvət vermək lazım gəldiyindən ona gümüş medal veriblər.
6. Ali təhsil almaq üçün 2 cəhd
Məktəbi bitirəndən sonra Kris Taqanroq radiotexnik universitetinə imtahansız qəbul olub. İlk sessiyaya qədər dözməyib, proqramlaşma ilə bağlı fənlərdən əlavə dərslər də keçildiyinə görə ali məktəbi tərk edib. Növbəti il isə anasını sakitləşdirmək üçün yenidən həmin ali məktəbə qəbul olub, lakin onu da yarımçıq qoyub.
7. Birinci biznes
Taqanroqda Kasperski bir neçə tələbə ilə birlikdə sistem administratorluğu təklif edən şirkət yaradıb. Bir müddətdən sonra həmin şirkət bağlanıb və Kris bütün əlində olan pulu və kompüterləri qoyaraq valideynlərinin yanına-doğma kəndinə qayıdıb.
8. İki Kasperski
Bir dəfə Moskvada təyyarədən enərkən iki Kasperskinin tarixi görüşü baş verib. Kris məşhur antivirusun yaradıcısı Yevgeni Kasperskinin antivirus laboratoriyasına gələrək işə başlayıb. O, laboratoriyada bəzi təkliflər etsə də, onu ciddi qəbul etməyiblər və ideyalarını gülüşlə qarsalayıblar. O, yalnız 3 həftə həmin laboratotiyada işləyib. Bir müsahibəsində bildirib ki, bizim ayrı-ayrı bizneslərimiz var və bir-birimizə mane olmuruq. Qeyd edib ki, hətta ləqəbinin sonundan “y” hərfini də çıxarıb ki, onları qarışdırmasınlar.
9. Federal Təhqiqatlar Bürosu mürgüləmir
2012-ci ildə ABŞ-da “Haker” jurnalının baş redaktoru Nikita Kislitsın Krislə görüşür. O, jurnala intervü verərək öz işi haqqında danışır. Özünün dediyinə görə, bundan sonra ABŞ Federal Təhqiqatlar Bürosu onunla ciddi maraqlanmağa başlayır. Lakin sonrakı təfərrüatların necə olması ilə bağlı Kris heç nə danışmır.
10. Kömpüter və silah
Kris silaha çox maraq göstərib və yaşadığı ştatda silah leqal olduğundan bir neçə silah alıb. Onun silah kolleksiyasında “Spartan Rifle” şirkətinə məxsus, dünyada cəmi 3 ədəd istehsal olunan silah da daxil olmaqla onlarla silah var.
Gülnar
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır