Texnoloji

NASA Günəşin “Termonüvə sənəti” klipini yaydı – VİDEO/FOTO

5 Noyabr 2015 08:12

Amerika Milli Kosmik Agentliyi (NASA) “Termonüvə sənəti” adını verdiyi yeni bir Günəş klipini dərc edib.

Publika.az xarici mediaya istinadən xəbər verir ki, görüntülər NASA-nın 2010-cu il fevral ayında kosmosa göndərdiyi Günəş Dinamikləri Rəsədxanası (SDO) tərəfindən qeydə alınıb.

Otuz dəqiqə davam edən videoda milyonlarla dərəcə istiliyi olan plazma atmosferində (korona) baş verən partlayışlar, Günəş ləkələri və gözqamaşdırıcı maqnetik görüntülər yer alıb. Günəşin səthində yerləşən və Yer kürəsindən ən azı 30 dəfə böyük sahəni örtən hərəkətlər aydın şəkildə görünür.

Günün 24 saatında Günəşi izləyən SDO 5 ildə 200 milyondan çox fotoşəkil çəkib. Alimlər SDO-nun əldə etdiyi məlumatlarla Günəşin hərəkətlərini, təxminən 15,6 milyon dərəcə istiliyi olduğu təxmin edilən nüvəsini və Yer kürəsinə təsirlərini daha yaxşı öyrənməyə çalışır.