• USD 1,7000 0,00% EUR 2,0535 +1,01%
    • GBP 2,2818 +0,46% RUB 0,0224 +0,45%

Rabitə və Yüksək Texnologiyalar Nazirliyinə 29 müraciət olub

  • Texnoloji
  • 13 Noyabr 2015 04:36
  • 1 101 Baxış
Rabitə və Yüksək Texnologiyalar Nazirliyinə 29 müraciət olub

Bu ilin 10 ayı ərzində Rabitə və Yüksək Texnologiyalar Nazirliyinin Dövlət Radiotezliklər İdarəsinə Radiomonitorinq şöbəsinə kənar maneə təsiri ilə əlaqədar olaraq 29 müraciət daxil olub.

RYTN-dən Publika.az-a verilən məlumata görə, bu barədə DRİ-nin hesabatında qeyd olunub.

İdarədən bildirilib ki, Bakı “Teleqüllə”sindən yayımlanan TV proqramlarının yayım keyfiyyətini yoxlamaq məqsədilə Abşeron yarımadasının Sahil, Abşeron yarımadasının Sumqayıt, Tağıyev, Giləzi, Xırdalan, Lökbatan, Sahil, Qobustan, Ələt, Binə, Buzovna, Şüvəlan, Zuğulba, Maştağa, Müşfiqabad, Qaraçuxur, Zığ, Pirallahı yaşayış məntəqələrində TV siqnalların elektromaqnit sahə gərginliyinin səviyyəsi ölçülüb.

Hesabat dövründə ümumilikdə 83 məntəqədə 781 ölçü işləri aparılıb. Yuxarıda qeyd olunan yaşayış məntəqələrində Bakı “Teleqüllə”sindən FM radio proqramlarını yayımlayan vericilərin yaratdığı elektromaqnit sahə gərginliyinin səviyyəsi ölçülüb.

Respublika ərazisində yayımlanan TV və FM proqramlarının yayım keyfiyyətini yoxlamaq məqsədi ilə isə DRİ-nin Radiomonitorinq şöbəsinin mütəxəssisləri tərəfindən Şirvan, Salyan, Neftçala, Hacıqabul, Kürdəmir, Ucar, Zərdab, Sabirabad, Saatlı, İmişli, Beyləqan, Ağcabədi, Füzuli, Qobustan, Şamaxı, Ağsu, Göyçay, Ağdaş, İsmayıllı, Qəbələ, Oğuz, Şəki, Qax, Zaqatala, Balakən , Xızı, Siyəzən, Şabran, Quba, Qusar, Xaçmaz, Biləsuvar, Cəlilabad, Masallı, Yardımlı, Lənkəran, Lerik və Astara rayonları ərazisində radiomonitorinq işləri aparılıb. Bu istiqamətdə 84 məntəqədə 884 ölçü işləri reallaşdırılıb.

Televiziya üzrə isə 94 məntəqədə 735 ölçü işləri həyata keçirilib. DRİ-dən qeyd edilib ki, radio üzrə isə ümumilikdə 73 məntəqədə 581 ölçü işləri aparılıb.

Halal Nemət

Xəbər lenti

DAHA ÇOX XƏBƏR