“Gmail”ə girmək üçün şifrəyə ehtiyac olmayacaq
Bizi izləyin

Texnoloji

“Gmail”ə girmək üçün şifrəyə ehtiyac olmayacaq

“Gmail”ə girmək üçün şifrəyə ehtiyac olmayacaq

“Google” yaxın zamanda şifrə tələb etmədən “gmail” də daxil olmaqla bütün xidmətlərini istifadəyə təqdim edəcək.

Publika.az xəbər verir ki, şirkət istifadəçilərin yeni nəsil telefonlarını istifadə edərək elektron poçtlarına daxil ola biləcəkləri yeniliyi sınaqdan keçirir.

“Google” tərəfindən dəvət edilən Rohit Paul (rp1226) adlı istifadəçi bu yenilik üzərində işləyir.

Hazırlanan yeni layihəyə əsasən, şifrə əvəzinə telefondan istifadə etmək üçün əvvəlcə uyğun cihazı “google” hesabınıza sinxronlaşdırmalısınız. Daha sonra kompüterdə elektron poçta daxil olmaq istəyəndə şifrə yerinə ekrana kod gələcək. Həmin kodu telefonunuzdakı kodla uyğunlaşdırmağınız tələb olunur.

Bu mərhələni keçəndən sonra poçtunuza daxil olursunuz. Telefon itsə, oğurlansa, enerjisi qurtarsa belə şirkət kompüterdən elektron poçtunuza girmək imkanı verəcək.

Şirkət hələ ki, bu yeniliyin tətbiqi üçün hansı yeni nəsil telefonlardan istifadə edəcəyini açıqlamayıb.

Gülxar

Oxumağa davam et
Reklam
Reklam

Gündəm

Zəfaran Hospital
Səba