Texnoloji

ABŞ və Çindən sonra Rusiya da bunu edəcək

20 Yanvar 2016 08:33

Amerika və Çindən sonra Rusiya da kosmik uçuşlarda istifadə ediləcək robotlar üzərində işləyir.

Publika.az “Sputnik” agentliyinə istinadən xəbər verir ki, Rusiyanın dövlət texnologiya şirkəti “Android Technics” və “TsNIIMash” araşdırma institutu “avatar robot” hazırlayır.

“Android Technics” şirkətinin rəhbəri Aleksandr Permyakovun sözlərinə görə, “avatar robot”lar Ay və ya Marsın öyrənilməsi zamanı təhlükəli vəzifələrdə insanları əvəz edə biləcək. Permyakov qeyd edib ki, robotlar kosmosda səmərəli fəaliyyət göstərməklə yanaşı, araşdırmaların xərcini də aşağı salacaq.

İnsana bənzəyən və insan kimi hərəkət edə bilən robotların kosmosa göndərilməsinin bir trend olacağı bildirilir. Çin ötən il “Android” robotu təqdim edib. Onun 2020-ci ildə kosmosa göndərilməsi planlaşdırılır.