SMS göndərən yeni virus

Heimdal Security şirkətinin ekspertləri Android bazasında olan qurğulara hücumları həyata keçirən yeni zərərverici aşkar ediblər.

Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyindən Publika.az-a verilən məlumata görə, zərərverici SMS və MMS məktub vasitəsilə nəinki qeyri standart üsulla yayılır. O, hətta qurğuya root imtiyazları ilə giriş edərək istifadəçinin smartfonundan maliyyə məlumatlarını oğurlaya və bütün informasiyanı silə də bilər.

Tədqiqatçılar Mazar BOT troyanının yayılma üsulunu unikal hesab edirlər. Troyan sistemə MMS Messaging adı ilə daxil olur və administrator imtiyazına yüksəlmək üçün qurğuya bildiriş göndərir, beləliklə də buna inanmış və bildirişi təsdiq etmiş istifadəçi troyana yoluxmuş olur. Mazar BOT sms məktubların oxunması və göndərilməsi (iki mərhələli autentifikasiyanı sındırmaq üçün çox faydalıdır),əlaqələr siyahısından və ixtiyarı nömrələrə zənglərin həyata keçirilməsi, telefonun hazırki vəziyyəti haqqında məlumat toplamaq,Chrome brauzerini yoluxdurmaq, qurğunun tənzimləməsini dəyişdirmək, məcburi şəkildə qurğunu yatma rejiminə keçirmək, şəbəkə rejimini tələb etmək, internete qoşulmanı təmin etmək,qurğuda olan bütün faylları silmək kimi imkanlara malikdir.

Həmçinin qurğunun yoluxmasında sonra zərərverici İrana məxsus nömrəyə sms göndərir. SMS-in tərkibində «Thank you» ifadəsi yerləşdirilib. Yoluxma prosesində bu SMS operatora yeni yoluxmuş qurğu və onun yerləşmə yeri haqda bildirir.