Texnoloji

Barselonada Dünya Mobil Konqresi keçirilir

23 Fevral 2016 02:33

Fevralın 22-də İspaniyanın Barselona şəhərində Dünya Mobil Konqresi işə başlayıb. Mobile World Congress (MWC) elektronika sahəsində son nailiyyətlərin göstərildiyi ən böyük beynəlxalq sərgilərdən biri hesab olunur. Üç gün davam edəcək konqresə demək olar ki, bu bazarın bütün iştirakçıları toplaşıb və hər kəs öz nailiyyətini təqdim edir.

Məsələn, “Samsung” şirkəti Barselonada 3 yenilik təqdim edir. Bunlar “Galaxy S7” smartfonu, bu modelin əyilən “S7 edge” variantı və panoramalı “VR Gear 360” kamerasıdır.

LG şirkəti də rəqiblərindən geri qalmamağa çalışır və “Galaxy S7” modelinə əsas rəqib olacaq G5 smartfonunu təqdim edir.

HTC şirkəti yeni Virtual Reallıq eynəklərini, “Huawei” P9 seriyasından yeni smartfonlarını, HP isə “Elite X3” smartfonunu ilk dəfə Barselonada nümayiş etdirir.