Texnoloji

"Apple" hökumətin sındıra bilməyəcəyi sistem hazırlayır

26 Fevral 2016 03:35

"Apple" şirkətinin mütəxəssisləri iPhone smartfonları üçün ABŞ hökumətinin sındıra bilməyəcəyi müdafiə sistemi işləyib hazırlayırlar.

"New York Times" qəzeti xəbər verir ki, bu işin nəticəsi böyük ehtimalla uğurlu olacaq. Əgər belə olarsa, şirkət hüquq-mühafizə orqanları üçün ciddi texniki çətinliklər yaratmış olacaq.

Obama administrasiyası hətta iPhone telefonlarına çıxış əldə etməklə bağlı mübahisədə qalib gəlsə belə, bu iş xeyli çətin olacaq. "O halda Federal Təhqiqat Bürosu "Apple"ın müdafiəsini neytrallaşdırmaq üçün başqa yol axtarmalı olacaq ki, bu da şirkət tərəfindən yeni məhkəmə çəkişmələrinə və texniki təkmilləşdirmələrə yol açacaq," - deyə qəzet bildirir.