Texnoloji

“Microsoft” süni intellektin mənbə kodunu açmağa qərar verib

17 Mart 2016 07:11

“Microsoft” korporasiyası süni intellektin sınaqdan keçirilməsi üçün nəzərdə tutulmuş “AIX” (“Project AIX”) platformasının mənbə kodunu açmağa qərar verib. Bu günədək “AIX” platforması bir sıra institutlarda qapalı beta-test rejimində istifadə edilib. 2016-cı ilin yayında bu platformanın kodunu açıq lisenziya altında dərc etmək planlaşdırılır.

“Microsoft”un əməkdaşı Elison Lina deyib ki, kompyuter alqoritmləri tapşırıqların öhdəsindən insan kimi və ya ondan daha yaxşı gəlir. Amma kompyuter alqoritmləri körpə kimi görə, hiss edə və eşidə bilmir.

Süni intellekt tədqiqatçıları kompyuterlərə müəyyən qabiliyyətləri (məsələn, söz tanımağı) öyrədə bilsələr də, indiyədək bu bacarıqlardan kompleks şəkildə istifadə üsulunu tapmayıblar.