Texnoloji

Mobil proqram əllə yazılmış tənlikləri həll edəcək

22 May 2016 01:12

ABŞ-ın “Mathpix” şirkəti “iOS” əməliyyat sistemli qurğular üçün əllə yazılmış tənlikləri tanıyan və həll edə bilən eyniadlı pulsuz mobil əlavə təqdim edib.

Proqramın yazılmış tənliyi həll etməsi üçün istifadəçinin mobil telefonun kamerasını onun üzərinə yönəltməsi kifayətdir. “Mathpix” tənliyi müstəqil şəkildə hesablayaraq onu həll etmək üçün serverə göndərir.

Bildirilir ki, proqram cavablar verməklə yanaşı, qrafikalar qurur. Bundan başqa, “Mathpix” mürəkkəb tapşırıqlar (məsələn, inteqral və ya törəmə məsələləri) üçün həlli ardıcıllıqla yazır.

Süni intellekt əsasında qurulan “Matrix” serverləri kompyuter təlimindən istifadə edir. Bu, o deməkdir ki, sistem daim tənlikləri tanımaq və həll etmək bacarığını yaxşılaşdırır.

Qeyd edək ki, bir neçə il əvvəl "Photomath” şirkəti bazara kənar serverləri olmayan və səhvlərə yol verən oxşar kalkulyator çıxarıb.