"iPhone 7"nin görüntüsü internetə sızdı - FOTOLAR

Senytabrda təqdim ediləcəyi gözlənilən “iPhone 7” ilə bağlı daha bir neçə yenilik bəlli olub.

“Apple” məhsullarını səbirsizliklə gözləyənlər bu il yeni smartfona qovuşa biləcəklər. Müntəzəm olaraq yenilik haqqında məlumatlar, fotolar internetə sızdırılır. Düzdür telefonun dizaynı ilə bağlı yayılan məlumatlar hələ dəqiqləşməyib. Yeni smartfon demək olar ki, "iPhone 6s" ilə eyni görünüşə sahib olacaq.

Telefonun paylaşılan arxa görüntüsünə əsaslansaq onun 4.7 düymlük olduğunu da demək olar. İddiaya görə, yeniliyin 4 mikrofonu olacaq. Bu sayədə artıq telefonda video izləmək, musiqi dinləmək daha sərfəli olacaq. Bu mikrofonlar səs keyfiyyətini əhəmiyyətli dərəcədə artıracaq.

İlkin məlumata görə, ön kamerada dəyişiklik olmayacaq. Lakin arxa kameranın ölçüləri müsbətə doğru dəyişəcək. İnternetə sızan görüntülərdə yeniliyin kamerasının çıxıntılı olduğu görünür. Bu isə onun daha keyfiyyətli foto və video çəkilişə imkan verəcəyindən xəbər verir.

"Apple"in üzərində çalışdığı yeni “iPhone 7”nin ən böyük dəyişikliyindən biri də onun su keçirməyən bir sistemə sahib olmasıdır.