iPhone Blackberry ilə eyni taleyi bölüşəcək?

iPhone proqramçılarından Marko Arment, Marco.org adlı bloqunda dərc etdirdiyi yazısında, iPhone-un bir vaxtlar, xüsusilə iş adamlarının əlindən buraxmadığı Blackberry kimi gözdən düşə biləcəyi barədə narahat olduğunu yazıb.

1984-cü ildə Kanadada yaradılan Blackberry-nin 1996-cı ildə istehsal etdiyi Inter@ctive Pager adlı cihaz, ağıllı telefonların atalarından biri idi. Sabun qəlibi böyüklüyündəki cihazın, cüt istiqamətli mesajlaşma, e-posta və faks xüsusiyyətləri vardı. İlk modeli 2007-ci ildə təqdim edilən iPhone isə ağıllı telefon hissini tamam dəyişdi.

Arment o dövr üçün "2007-də Blackberry-nin edəcəyi hər bir yenilik, hər bir təşəbbüs üçün artıq gec idi" ifadələrini istifadə edib.

Son dövrlər satışları düşən Apple-ın da oxşar taleyi olmasından narahat olan Arment, Amazon, Facebook və Google kimi nəhənglərin, süni zəka və səslə işləyən interfeyslərə investisiya qoyduğunu, bu investisiyaların cibimizdə cihazların gələcəyi olduğunu söyləyib.

Arment-ə görə, Apple təbii səs əməliyyat sistemi texnologiyasında geri qalıb. Arment, Amazon Echo-nun əmrləri qavramaqda Apple-ın Siri-sindən daha yaxşı olduğunu yazıb.

Google-a aid süni zəka şirkəti Deepmind-ın inkişaf etdirdiyi Alphago proramının, 2500 illik Çinin strategiya oyunu Go-da ilk dəfə peşəkar oyunçuya qalib gəldiyini xatırladan Arment, axtarılan hər bir fotoşəkilin etiketlənmə lazım olmadan Google-da tapıla bilinəcəyini də əlavə edib. (marja)