Texnoloji
Bu da sənə seksual inqilab
Azərbaycan illərdir ki, seksual inqilabın astanasındadır. Niyə astanasında? Çünki onu içəri buraxmırlar ki, girib hamı kimi seksual inqilab eləsin. Çünki o, bu inqilaba ailəvi gəlib. Eynən toy məclislərinə getdiyi kimi. Ona görə də o, içəridə baş verənlərə, talışlar demiş, qapının dırından, açar deşiyindən baxmağa məcburdur. Yəni o, arzusunda olduğu xoşbəxtliyə bir gözü ilə baxır indiyənəcən. Elə bil, çıxmış gözünə qara örtük bağlamış dəniz quldurudur.
Ona görə hər dəfə bu inqilabın qapısından deyinə-deyinə, əsəbi
halda evə dönüb gücü verir virtual dünyaya, real dünyada görmək və
etmək istədiyini, heç olmasa, yuxular aləmində yaşamaq istəyir.
Bunun da ən yaxşı məkanı o sarı gədənin yaratdığı Facebook- dur.
Toba, bizim camaat bu Facebook-u faciəbooka çevirib; burda ölmüş
sevgisini basdırıb yas tutan kim, təzə qız tutduğu üçün mahnı
“zakaz” edib oynayan kim, özündən yaşca kiçiklərə Nizami Gəncəvilik
edən kim, oruc tutan, namaz qılan kim, bir sözlə, özümüzə balaca
bir virtual Azərbaycan düzəltmişik. Ancaq yenə də alınmır ki,
alınmır. Elə bil, vələdimiz dönüb.
Sayğaca barmaq elədiyimiz kimi, artıq Facebook-a da barmaq
eləmişik: milli-mənəvi dəyərlərimizə hörmət əlaməti olaraq,
arvadlar ərlərinin, ərlər da arvadlarının qorxusundan özlərinə
başqa adlar qoyaraq bütün günü iş yerində, yaxud evdə naməhrəm
adamlarla yazışırlar. Milli mentalitetimizin qəddarlığı ucbatından
arvadların ərlərinə, ərlərin arvadlarına deməyə cürət eləmədiyi
sözləri, fikirləri Facebook-da başqalarının ərləri və arvadları ilə
paylaşırlar.
Biz hətta əti-qanı olmayan dəmir sayğacı yoldan çıxaran millətik,
Facebook nəmənədir ki!
Yəni məsələn, bizim arvad evdə mənim, Facebook-da başqa kişinin
arvadıdır, heç mən də ondan geri qalan bəndə deyiləm, hətta beş
çömçə də yuxarıyam, ondan gizlin Facebook-da, yalan olmasın,
beş-altı dəfə evlənib boşanmışam, hətta bu virtual “nikahlardan”
virtual-virtual uşaqlarımız da olub.
Biz əti-qanı olmayan dəmir sayğacı belə yoldan çıxaran millətik,
Facebook nəmənədir ki!
Cəmiyyətimizdə belə bir fikir tez-tez səslənir ki, bu şoğərib
Facebook bizim milli adət-ənənələr üzərində qurulan ailələri
dağıdır və şadlıq sarayına, qır-qızıla, gəlin maşınına və s. ailə
səadətinə lazım olan ayın-oyuna çəkilən xərc hədər gedir.
Hələ bunun bayramdan-bayrama bəy-gəlin evinə daşınan qıpqırmızı
xonçalarını-zadı qoyaq bir qırağa. Doğrudur, Facebook ailələrimizi
dağıdar, razıyam, ancaq yerində başqa ailələri də qurar. Sadəcə,
Facebook-da qurulan ailələrdə ağsaqqal sözünün, ağbirçək
məsləhətinin, baldız hikkəsinin, qayın zəhminin çürük qoz qədər də
qiyməti olmadığına görə, milli mentalitetimiz bu ailələri məkruh
buyurur.
Hə, yuxarıda sözüm yarımçıq qalımışdı; axı biz seksual inqilabdan
danışırdıq. Ümumiyyətlə, inqilablar zamanı – dəxli yoxdur, o
seksual inqilabdır, yoxsa, öz aramızda qalsın, siyasi inqilab –
insanlar küçələrə axışır. Adıçəkilən hər iki inqilab zamanı da
insanlar bir-biri ilə qucaqlaşırlar; seksual inqilabda öpüşmək
üçün, siyasi inqilabda süpürləşmək üçün. Amma inqilab adı gələndə
biz nə edirik? Desəm, qarnınızı tutub uğunacaqsınız. Biz bu sözü
eşitdikdə, tez işdən icazə alıb evə tələsirik ki, rahatca oturub
televizorda inqilaba baxaq.
Təsəvvür edin, kişi evdə arvada deyir: “Şəhərdə seksual inqilab baş
verib, mən hadisə yerinə gedirəm”. İndi evdə mərəkəyə bax. Axırda
nə olsa yaxşıdır? Kişi əsəbiləşib seksual inqilaba gedir, arvad da
acıq edib dədəsinin evinə. Ala bu da sənə seksual inqilab.
Deməli, biz hələ arzuladığımız xoşbətliyə açar deşiyindən dəniz
qulduru kimi taygöz baxmalı olacağıq.
Publika.Az
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO
-
İdman11:06
"Qarabağ"ın futbolçusu Fransa klubu ilə anlaşdı - FOTOFAKT
-
Dünya10:56
NATO Rusiya ilə müharibəyə hazırlaşır - Bu ölkədən hücuma keçəcəklər
-
Nida Xəbər 10:30
Bu gün ilk Qədr gecəsidir
-
Magazin110:05
Elza qəzəbləndi: "Küçə sözlərinə əl atırlar" - VİDEO