Rusiya və İrana qarşı ittifaq yaradılır: 3 dövlət və 41 qruplaşma

6 Oktyabr 2015 23:16 (UTC+04:00)

Suriyada Rusiya və İrana qarşı ittifaq yaradıla bilər.

Publika.az “Reuters” agentliyinə istinadən xəbər verir ki, aralarında Azad Suriya Ordusu və “Ahrar əl-Şam” təşkilatının da olduğu 41 silahlı qrup bölgə ölkələrini “Suriyanı işğal edən Rusiya-İran ittifaqına qarşı” əməkdaşlığa çağırıb.

Çağırışa yalnız “Əl-Qaidə”nin Suriya qolu hesab edilən “Əl-Nüsra” Cəbhəsi imza atmayıb. Rejim əleyhdarı qüvvələrin çağırışında konkret ölkələrin adı çəkilməsə də “Reuters” Türkiyə, Səudiyyə Ərəbistanı və Qətərin müxalif qruplara verdiyi dəstəyə diqqət çəkib.