Davudoğlu Merkelə zəng edib

9 Yanvar 2016 00:32 (UTC+04:00)

Türkiyə Baş naziri Əhməd Davudoğlu ilə Almaniya kansleri Angela Merkel telefon danışığı baş tutub.

Axar.az xəbər verir ki, Türkiyə Baş Nazirliyinin açıqlamasında danışıqların əsas mövzusunun miqrant böhranı ilə bağlı olduğu bildirilib.

“Əhməd Davudoğlu Almaniya kansleri Angela Merkel ilə telefon əlaqəsi yaradıb. Danışıqlar zamanı miqrant böhranı, terrora qarşı mübarizə və Yaxın Şərq regionunda cərəyan edən hadisələr müzakirə olunub. İki ölkə arasında əməkdaşlıq sahələri də söhbətin əsas mövzusu olub”, - deyə nazirlikdən verilən açıqlamda deyilib.