Əsəd strateji yolu geri qaytardı

23 Fevral 2016 02:12 (UTC+04:00)

Suriya ordusu Hələb ərazisində hökumət güclərinin təchizatının həyata keçirildiyi strateji yol üzərində nəzarəti geri qaytarıb.

Publika.az xəbər verir ki, bu barədə öz mənbələrinə istinadən “RİA-Novosti” agentliyi bildirib.

“Ordu Asriya-Xanaser yolu üzərində nəzarəti geri qaytarıb. Ancaq yol hələ mühasirədədir. Xanaserin şimalında döyüşlər davam edir. Terrorçular oradan hökumət güclərinə atəş aça bilərlər”, - agentliyin həmsöhbəti deyib.

Onun sözlərinə görə, İŞİD-in yolun bir hissəsini minalamağa vaxt tapıb. Mütəxəssislər artıq həmin ərazini minalardan təmizləməyə başlayıblar.

Qeyd edək ki, İŞİD-in Suriya ordusunun təchizatının həyata keçirildiyi yeganə yolu kəsdiyi barədə xəbərlər fevralın 22-də səhər saatlarında yayılıb.

Ömər Dağlı