“Exxon Mobil” son 17 ilin ən az rüblük gəlirini açıqlayıb

30 Aprel 2016 03:40 (UTC+04:00)

Dünyanın ən böyük neft şirkətlərindən biri olan “Exxon Mobil Corp.” neftin qiymətinin ucuzlaşması fonunda 1999-cu ildən bu vaxtadək ən az rüblük gəlirini açıqlayıb.

“Exxon Mobil” bu ilin birinci rübündə 1,81 milyard dollar gəlir əldə edib. Bu rəqəm ötən ilin eyni dövründə 4,94 milyard dollar olmuşdu.

“Exxon Mobil Corp.”un investisiyaları isə ilin birinci rübündə 33 faiz azalıb.