Warning: opendir(/home/publikaaz/cache/): failed to open dir: No such file or directory in /opt/php7/lib/php/Cache/Lite.php on line 642
3 qadın və 1 uşaq evdə qətlə yetirildi

3 qadın və 1 uşaq evdə qətlə yetirildi

21 Fevral 2017 23:54 (UTC+04:00)

Birləşmiş Ştatların Missisipi ştatının Loderdeyl dairəsi ərazisində yerləşən şəxsi evlərdən birində baş verən atışma zamanı biri 5 yaşlı uşaq olmaqla 4 nəfər qətlə yetirilib.

"Report" xəbər verir ki, bu barədə çərşənbə axşamı dairə şerifi Uord Kalhun məlumat verib.

Onun sözlərinə görə, evdə üç qadın və bir uşaq meyiti aşkar edilib. İlkin məlumatlara görə, onlar bir ailənin üzvləri olublar.

Atəşin kim tərəfindən və hansı səbəbdən açıldığı məlum deyil. Cani hadisə yerindən qaçıb.

İnsident zamanı evdə daha bir uşaq olub, lakin ona heç bir zərər dəyməyib.