DƏHŞƏTLİ QƏZA: 44 nəfər öldü

19 Aprel 2017 12:45 (UTC+04:00)

Hindistanda dəhşətli yol-nəqliyyat qəzası baş verib.

Publika.az xarici mediaya istinadən xəbər verir ki, avtobus ölkənin şimalında yerləşən Ximaçal-Pradeş ştatında Tons çayına düşüb.

Hadisə nəticəsində ən azı 44 nəfər həlak olub. Məlumata görə, avtobusda 50-dən çox sərnişin olub.

Rəsmi statistikaya görə, Hindistanda hər gün yol-nəqliyyat qəzalarında 400 nəfər ölür. İl ərzində demək olar ki, 150 min insan yol-nəqliyyat hadisəsinin qurbanı olur. Ümumdünya Səhiyyə Təşkilatının məlumatına görə, son illərdə hind yollarında ildə 200 min insan həyatını itirir.

Ömər