Fransanın Nyu-Yorkdakı baş konsulluğu təxliyə olunub

23 Aprel 2017 05:59 (UTC+04:00)

Fransanın Nyu-Yorkun beşinci xiyaban küçəsində yerləşən ABŞ-dakı baş konsulluğunun binası girişdə dayanan şübhəli avtomobil səbəbindən təxliyə edilib.

“Report” xəbər verir ki, təxliyə zamanı binada Fransa prezidenti seçkilərinə səsvermə keçirilirmiş. Hadisə ilə əlaqədar proses dayandırılıb.

Polis beşinci xiyaban küçəsini bağlayıb.

Son məlumatlara görə, konsulluq qarşısındakı ərazi təmizlənib, səsvermə isə davam etdirilib.