"Barselona" və "Real"ın əfsanələri 38 min tamaşaçının qarşısında oyun çıxartdı - VİDEO

29 Aprel 2017 08:44 (UTC+04:00)

İspaniyanın "Barselona" və "Real" klublarının əfsanəvi futbolçuları Livanın paytaxtı Beyrutun Kamil Şamun adına stadionunda üz-üzə gəliblər.

Publika.az xəbər verir ki, veteranların yoldaşlıq oyunu 3:2 hesabı ilə "kataloniyalılar"ın xeyrinə başa çatıb.

Qarşılaşmanı 38 min tamaşaçı izləyib.

Qalib komandanın qollarını Lüdovik Jüli (2 qol) və Simau Sabroza vurub. Braziliyalı Ronaldinyo 3 məhsuldar ötürmə edib. "Real"ın heyətində Fernando Sans və Françesko Herrero fərqlənib.