Rusiyada DƏHŞƏTLİ YANĞIN: 5 uşaq öldü

3 Dekabr 2017 10:05 (UTC+04:00)

Bu gün səhər saat 07.15 radələrində Rusiyada 3 mənzilli yaşayış evində yanğın olub, 5 uşaq ölüb.

Publika.az APA-ya istinadən xəbər verir ki, Novosibirsk vilayətinin İskitimsk rayonunun Stepnoy qəsəbəsində 3 mənzilli yaşayış evində yanğın baş verib.

Mənzillərdən birinin sahibi yanıq qoxusunu hiss edib, küçəyə çıxıb. Ancaq bu zaman qonşuluqdakı mənzili alovun bürüdüyünü görüb, yanğınsöndürənlərə zəng açıb, yatmış qonşularını oyatmağa çalışıb. Yanan mənzilin sahibi xilas olsa da, mənzildə qalan 5 uşaq ölüb. Bir müddət öncə anaları vəfat edən uşaqlar ataları ilə yaşayırlarmış.