Bakı-Sumqayıt qatarında hərəkət cədvəli dəyişdi

31 İyul 2018 10:28 (UTC+04:00)

Bakı-Sumqayıt-Bakı elektrik qatarlarının hərəkət cədvəli müvəqqəti olaraq dəyişdirilir.

“Azərbaycan Dəmir Yolları” Qapalı Səhmdar Cəmiyyəti İctimaiyyətlə əlaqələr şöbəsinin rəisi Sevinc Qədirovanın Publika.az-a verdiyi məlumata görə, dəmir yolunun Biləcəri-Xırdalan mənzilində aparılan əsaslı təmir işləri ilə əlaqədar olaraq, 02.08.2018-ci il tarixdən 07.08.2018-ci (daxil olmaqla) il tarixədək “Texniki fasilə” verilir.

Bununla əlaqədar olaraq, Bakı-Sumqayıt-Bakı elektrik qatarlarının hərəkət cədvəli avqustun 2-dən 7-dək dəyişdirilir.

Qeyd edək ki, hər şənbə, bazar və bayram günləri 6002/6001, 6004/6003, 6020 nömrəli elektrik qatarları hərəkətdə olmayacaqlar. Hər şənbə, bazar və bayram günləri 6011 nömrəli elektrik qatarı tək heyətlə hərəkət edəcək.