"Qəbələ" milyonluq forvard transfer edir

21 İyun 2014 21:28 (UTC+04:00)

"Qəbələ" növbəti transferini rəsmiləşdirmək üzrədi. Bölgə klubu Boyan Qoluboviçi heyətinə qatır. Rumıninyanın "Çaxlaul" klubunda top qovan futbolçu ilə danışıqlar yekunlaşmaq üzrədi. Rəsmi müqavilə yaxın günlərdə imzalanacaq.

Qeyd edək ki, Boyan Bosniya və Şersoqovinanın Kenjiç şəhərində dünyaya gəlib. Peşəkar futbolçu karyerasına Serbiyanın "Padinska" klubunda (2003-2005, 40 oyun, 12 qol) başlayan forvard daha sonra Bosniya və Hersoqovinanın "Leotar" (2005-2008, 56 oyun, 19 qol), Xorvatiyanın "Slavonats" (2008-2009, 35 oyun, 14 qol), "Medimurye" (2009-2010, 28 oyun, 13 qol) və "RNK Split" (2010-2012, 48 oyun, 8 qol) komandalarında oynayıb.

Qoluboviç 2011/12 mövsümünün qış fasiləsində Rumıninyanın "Çaxlaul" klubuna keçib. 30 yaşlı forvard bu komandanın heyətində 82 oyunda 31 qol vurub. "Transfermarkt" Boyana 1,25 milyon avro qiymət qoyub.