Prezidentin kürəkəni federasiya başçısı seçildi

8 Mart 2019 09:55 (UTC+04:00)

Özbəkistan Triatlon Federasiyasının prezidenti vəzifəsinə ölkə prezidenti Şafkat Mirziyoyevin kiçik qızının əri Otabek Umarov seçilib.

Publika.az Özbəkistan Milli Olimpiya Komitəsinin (MOK) rəsmi saytına istinadən xəbər verir ki, bu, federasiyanın Növbədənkənar Hesabat-Seçki Konfransında gerçəkləşib. İclasda MOK prezidenti Ümid Əhmətcanov, federasiya rəhbərliyi, digər rəsmi şəxslər, hakimlər və idmançılar iştirak ediblər.

Qeyd edək ki, O.Umarov həm də Özbəkistan Dövlət Təhlükəsizliyi Xidməti sədrinin I müavinidir.