Metronun qarşısında ağır qəza - Ər, arvad və 2 yaşlı uşaq xəstəxanalıq oldu

14 Mart 2019 15:49 (UTC+04:00)

Bakıda ağır yol qəzası baş verib.

Publika.az xəbər verir ki, Binəqədi rayonu Cavadxan küçəsində - metronun “Nəsimi” stansiyasının yaxınlığında “Mercedes” markalı minik avtomobili taksi kimi fəaliyyət göstərən digər maşın toqquşub.

Nəticədə “Mercedes”in 33 yaşlı sürücüsü, onun 27 yaşlı həyat yoldaşı və 2 yaşlı oğlu müxtəlif dərəcəli bədən xəsarətləri alıb.

Yaralılar xəstəxanaya yerləşdirilib.

Faktla bağlı Binəqədi rayon Polis İdarəsində araşdırma aparılır.

Nizam