Millətlər Liqasında ikinci finalçı məlum oldu

7 İyun 2019 01:24 (UTC+04:00)

Bu gün Millətlər Liqasının A divizionunda ikinci finalçı məlum olub.

Publika.az xəbər verir ki, Portuqaliyada İngiltərə və Hollandiya arasında keçirilən ikinci yarımfinalda əsas vaxt 1:1 hesabı ilə başa çatıb.

Hollandlar əlavə vaxtda daha 2 qol vuraraq finala vəsiqə qazanıb - 3:1.

Qeyd edək ki, finalın digər iştirakçısı yarımfinalda İsveçrəni 3:1 udan Portuqaliya yığmasıdır.

Turnirin və III yerin qalibi iyunun 9-da müəyyənləşəcək.