Taliban ABŞ-la məxfi görüş keçirdi

6 Oktyabr 2019 00:55 (UTC+04:00)

Taliban nümayəndə heyəti ABŞ-ın Əfqanıstan üzrə xüsusi nümayəndəsi Zalmay Xəlilzadla görüşüb.

Axar.az xəbər verir ki, bu məlumatı “Assoşeyted Press” agentliyi yayıb. Məlumata görə, görüş İslamabadda baş tutub.

Talibanın nümayəndə heyətinə təşkilatın ən nüfuzlu liderlərindən biri olan molla Əbdül Qəni Baradar rəhbərlik edib. Görüşdə nələrin müzakirə edildiyi açıqlanmayıb.

Agentlik ABŞ hökumətinin bu görüşü sülh danışıqlarının başlanması kimi dəyərləndirmədiyini bildirib.

Qeyd edək ki, Tramp bundan öncə Talibanla danışıqları dayandırdığını açıqlamışdı.