Türkiyədə daha 95 nəfər koronavirusdan öldü

11 Aprel 2020 21:56 (UTC+04:00)

Türkiyədə son gün ərzində koronavirusa yoluxanların və vəfat edənlərin sayı açıqlanıb.

Publika.az xəbər verir ki, səhiyyə naziri Fahrettin Koca ötən 24 saatda ölkədə daha 95 nəfərin koronavirusdan öldüyünü açıqlayıb. Beləliklə ümumi insan itkisi 1101 nəfərə çatıb.

Bildirilib ki, ötən sutkada Türkiyədə 5138 nəfərdə koronavirus aşkarlanıb və ölkədə virusa yoluxanların sayı 52 min nəfəri keçib.

Qeyd edək ki, Türkiyədə ən çox ölüm və yoluxma halı İstanbulda qeydə alınır.