Şəmkirdə toyda kütləvi dava düşüb, xəsarət alan var

29 Yanvar 2014 00:35 (UTC+04:00)

Şəmkirdə toyda kütləvi dava düşüb. Kəpəz TV xəbər verir ki, Şəmkir rayonu, Yeniabad kəndi ərazisində toy məclislərindən birində kütləvi dava düşüb. Dava zamanı 29 yaşlı Şəmkir sakini Mehman Fətəliyevə çoxsaylı bıçaq xəsarətləri yetirilib.

Yaralı dərhal Şəmkir Mərkəzi Rayon Xəstəxanasına yerləşdirilib və əməliyyat olunub. Hazırda vəziyyəti ağırdır.

Şəmkir polisi davada iştirak edənlərin əməliyyat-axtarış tədbirlərini davam etdirir.