Türkiyədə TARİXİ GÜN: 1001 metrlik "Hasankeyf-2" istifadəyə verilir

18 Aprel 2021 19:49 (UTC+04:00)

Bu gün Türkiyədə ölkənin ən uzun körpülərindən biri "Hasankeyf-2"nin açılış mərasimi keçiriləcək. Körpü Türkiyənin cənub-şərqində, Dəclə çayı üzərinə tikilib.

Publika.az "Anadolu" Agentliyinə istinadla xəbər verir ki, 1001 metr uzunluğundakı körpü Batman-Midyat magistral yolunun vacib hissəsidir və ölkənin ən uzun körpülərindən biridir.

Türkiyənin nəqliyyat və infrastruktur naziri Adil Karaismayiloğlu körpünün açılış mərasimində iştirak edəcək.

Prezident Rəcəb Tayyib Ərdoğan mərasim iştirakçılarına videokonfrans vasitəsilə müraciət edəcək.