Şəhriyar Məmmədyarov Aronyanı yenidən məğlub etdi

12 İyun 2021 05:31 (UTC+04:00)

Rumıniyanın paytaxtı Buxarestdə keçirilən "Superbet Chess Classic" turnirində 6-cı turun oyunları keçirilib.

Publika.az xəbər verir ki, təmsilçimiz Şəhriyar Məmmədyarov Ermənistanı təmsil edən Levon Aronyanla qarşılaşıb. Ağ fiqurlarla oynayan Məmmədyarov rəqibini məğlubiyyətə uğradıb.

Digər şahmatçımız Teymur Rəcəbov qara fiqurlarla rumıniyalı Boqdan Daniel Dyakla heç-heçə edib - 0,5:0,5.

Bu nəticələrdən sonra Məmmədyarov xalını 4-ə çatdıraraq, rusiyalı Aleksandr Qrişukla birgə turnir cədvəlinə liderlik edir, Rəcəbov isə 3 xalla 4-cü yerdə gedir.