Bu xəstəliyi olanlar vaksinasiya üçün risk qrupuna aiddirlər

15 İyul 2021 19:00 (UTC+04:00)

Ürək-damar, tənəffüs sisteminin müxtəlif ağır xəstəlikləri, immun sistemi ilə bağlı xəstəlikləri, metabolik, ağır şəkərli diabet, müəyyən aktiv bədxassəli şiş kimi ağır onkoloji xəstəlikləri olan insanlar vaksinasiya üçün xüsusi risk qrupuna aiddirlər.

Bunu Səhiyyə Nazirliyinin baş infeksionisti Təyyar Eyvazov deyib. Onun sözlərinə görə, istənilən halda 100 faiz - hamıya peyvənd vurmaq mümkün deyil:

"Əhalinin müəyyən kiçik faizində peyvəndə əks göstərişlər olur. İnsanların böyük əksəriyyətinin vaksin vurduraraq immunitet qazanması nəticəsində infeksion prosesin qırılması gələcəkdə real səbəbdən vaksin vurdura bilməyənlərin də qorunmasına gətirib çıxarır".