“Azəriqaz” rəhbərliyi bu gün onlayn vətəndaş qəbulu keçirdi - FOTO

24 Sentyabr 2021 15:33 (UTC+04:00)

Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin rəhbər şəxsləri onlayn vətəndaş qəbulu keçirib.

Publika.az bu barədə “Azəriqaz”a istinadən xəbər verir.

Məlumata görə, İstehsalat Birliyinin baş direktoru Ruslan Əliyev Kürdəmir rayonu, onun istismar üzrə müavini Cahid Hüseynov Göyçay rayonu, əsaslı tikinti üzrə müavini Ramil İsgəndərov isə Ucar rayonunun sakinləri ilə birbaşa videobağlantı yaratmaqla onlayn vətəndaş qəbulu keçiriblər.

Qəbulda qaz xətlərinin yerinin dəyişdirilməsi, fərdi qaz çəkilişləri və s. müraciətlər ünvanlanıb. Qaldırılan məsələlərin həllinə dair baş direktor və müavinləri Ağsu Regional qaz istismarı İdarəsinin məsul əməkdaşlarına vətəndaşların müraciətlərinə operativ baxılmasına dair müvafiq tapşırıqlarını veriblər.

xxx

11:53

Azərbaycan Dövlət Neft Şirkətinin (SOCAR) “Azəriqaz” İstehsalat Birliyinin rəhbər şəxslərinin növbəti onlayn vətəndaş qəbulu bu gün, sentyabr ayının 24-də saat 12:00-da keçiriləcək.

Bu barədə Publika.az “Azəriqaz”a istinadən xəbər verir.

Bildirilib ki, baş direktor Ruslan Əliyev Kürdəmir rayonu, baş direktorun istismar üzrə müavini Cahid Hüseynov Göyçay rayonu, baş direktorun əsaslı tikinti üzrə müavini Ramil İsgəndərov Ucar rayon sakinləri ilə videoformatda keçiriləcək görüş zamanı vətəndaşların müraciətlərini dinləyəcəklər.

Qəbula dair əlavə məlumat almaq istəyənlər Birliyin Ağsu Regional #qaz istismarı İdarəsinə müraciət edə bilərlər.