Rusiyada koronavirusdan ölənlərin sayı YENƏ ARTDI

14 Oktyabr 2021 02:12 (UTC+04:00)

Rusiyada koronavirusdan ölüm sayında növbəti dəfə artım qeydə alınıb.

Publika.az TASS-a istinadla xəbər verir ki, ölkədə koronavirusdan ölənlərin sayı 984 nəfərə çatıb, bir gün əvvəl bu göstərici 973 idi.

Bu, pandemiya başlayandan bəri yeni maksimumdur.

Beləliklə, ümumi qurbanların sayı 219,3 min olub.

Ölkədə yeni yoluxanların sayı isə sutkada 28,7 minə çatıb.

Son məlumatlara görə, Rusiyada pandemiya başlayandan bəri 7,9 milyon nəfər koronavirusa yoluxub.