Qurban Qurbanov: "Ən ağır oyunlardan birini keçirdik"

27 Oktyabr 2014 04:52 (UTC+04:00)

“Xəzər Lənkəran” yaxşı komandadır. Bəlkə də çempionatda ən baxımlı oyun göstərən komandadır. Bu baxımdan biz də ən ağır oyunlardan birini keçirdik".

Publika.az-ın məlumatına görə, bunu “Qarabağ” klubunun baş məşqçisi Qurban Qurbanov “Xəzər Lənkəran”la oyundan (3:2) sonra keçirdiyi mətbuat konfransında deyib.

Baş məşqçi futbolçularının çıxışndan razı qaldığını bildirib: "Oyuna nəzarəti bir anlıq əldən vermişdik. Lakin futbolçularımız sona kimi döyüşdülər. Qələbə qazandığımız üçün şadam".