Türkiyə səfirliyinin maşını qəzaya düşdü - FOTO

20 Fevral 2015 15:33 (UTC+04:00)

Bu gün günorta saatlarında Bakının Səbail rayonu ərazisində səfirlik maşını qəzaya uğrayıb.

Səbail rayon Polis İdarəsindən ANS-ə verilən məlumata görə, hadisə Puşkin küçəsində qeydə alınıb. Belə ki, "İnfiniti" markalı avtomobillə "Toyota" markalı Türkiyə səfirliyinə aid avtomobil toqquşub.

Qəza nəticəsində hər iki avtomobil ciddi şəkildə əzilib.

Bundan başqa, avtomobildə olan səfirlik işçiləri xəsarət alıb. Bildirilir ki, 2 nəfər yaralanıb.