Hüsnü Mübarək 3 il azadlıqdan məhrum edildi

10 May 2015 08:48 (UTC+04:00)

Misirin sabiq lideri və onun iki oğlu “prezident sarayları” işi üzrə təkrar keçirilən prosesdə çixarılmış məhkəmə hökmü ilə 3 il müddətinə azadlıqdan məhrum ediliblər.

Hüsnü Mübarəklə oğulları dövlət başçısı iqamətgahlarının təmir və bərpasına ayrılmış vəsaitləri mənimsəməkdə təqsirkar biliniblər. Məhkəmə qanunsuz əldə edilmiş 18 milyon dollara yaxın büdcə vəsaitinin şəxsi əmlakın təmirinə yönəldiyini bildirib.

Qeyd edək ki, Hüsnü Mübarək bu ittihamlarla bağlı artıq məhkum edilmişdir. Lakin daha yuxarı instansiya məhkəməsi iddialarla əlaqədar təkrar prosesin keçirilməsinə dair qərar çıxarıb.

Sabiq prezidentin vəkili hökmə qarşı apellyasiya şikayəti verəcəyini istisna etməyib.

2013-cü ildə Hüsnü Mübarək saxlanıldığı həbsxanadan Qahirədəki Maadi hərbi hospitalına keçirilib.