Tiflis zooparkından qaçan şir kişini parçaladı - DƏHŞƏT

17 İyun 2015 16:24 (UTC+04:00)

Tiflis zooparkından qaçan şir şəhər sakinini parçalayıb.

Publika.az xəbər verir ki, bu barədə “Franss-Press” məlumat yayıb.

Məlumata görə, şirin parçaladığı şəxs yerdə hərəkətsiz qalıb. Onun sağ olub-olmaması ilə bağlı məlumat yoxdur.

Şirin hücum etdiyi şəhər sakini anbar sahibidir. Anbardan çıxıb evinə gedən kişi qəfildən şirin hücumuna məruz qalıb. Daha əvvəl şirin “Laquna Vera” üzgüçülük hovuzunun yaxınlığında göründüyü bildirilirdi.

Qeyd edək ki, bir qədər əvvəl Tiflis zooparkından qaçan digər bir heyvanın - pinqvinin Azərbaycana çatdığı xəbər verilmişdi.

Gülnar Əliyeva