Xalq artistinin ETİRAFLARI: “Günahlarım yadıma düşəndə tər basır”
Bizi izləyin

Xüsusi

Xalq artistinin ETİRAFLARI: “Günahlarım yadıma düşəndə tər basır”

Xalq artisti Ramiz Novruz bildirib ki, günahları yadına düşəndə onu tər basır və çox utanır.

Publika.az-ın “Üç nöqtə” layihəsində etiraflarını dilə gətirən aktyor hesab edir ki, həyatda ən böyük səhvi dostluğa layiq olmayan insanları dost bilməsidir.

Layihəmizin yarım qalmış cümlələrini tamamlayan R.Novruz onu narahat edən məqamlara toxunub.

- İndiki ağlım olsaydı...

- Yenə bu sənətə gələrdim.

- Zəmanət verə bilərəm ki...

- Azərbaycan kinosu uğurla inkişaf edir.

- Dünyanı dəyişmək imkanım olsaydı...

- Əgər belə imkan olsaydı, birinci növbədə Azərbaycanın ərazi bütövlüyünü təmin edərdim.

- Kişilər o qadınlara xəyanət etmir ki...

- Gözəl qadın çoxdur, xəyanət etməmək mümkün deyil.

- Seviləsi qadın olmağın ilkin şərti...

- Səmimi və dürüst olsun yetər.

- Qadınlar yaşını ona görə gizlədir ki...

- Çünki onlar həmişə gəncdilər.

- Qadına qarşı şiddət...

- Kişinin ən zəif cəhətidir.

- Vicdanıma and olsun ki...

- İşimə xəyanət etməmişəm.

- Təəssüf edirəm ki...

- Teatr və kinomuz dünya çapında ən uğurlu işlərini hələ təqdim edə bilməyib.

- Vanqa nənə ilə görüşsəydim...

- Soruşardım ki, biz bu murdar qonşularımızdan nə vaxt xilas olacağıq?

- Küsülü olduğum insana demək istəyirəm ki…

- O səhv edib, cılız hisslərlə yaşamasın.

- Ən böyük səhvim o olub ki...

- Dostluğa layiq olmayan insanları dost bilmişəm.

- Kiminsə yalan danışdığını hiss edəndə...

- Onun əvəzinə utanıram və özümü inanırmış kimi göstərirəm.

- Allah insanları ona görə qeyri-bərabər yaradıb ki...

- Hətta barmaq izlərimizə qədər müxtəlifdir. Yeganə düzgün böldüyü ağıldır.

- Bəşəriyyətin gələcəyi haqqında fikirləşəndə...

- Məmməd Arazın bu sözləri yadıma düşür: “Ya Rəbbi bu dünya sən quran deyil!”

- Günahlarım yadıma düşəndə...

- Məni tər basır, utanıram.

- Övladlarıma və dostlarıma ən çox onu məsləhət görürəm ki…

- Sevdikləri və bacardıqları işlərlə məşğul olsunlar. İşini sevsən, amma bacarmasan hörmət qazana bilməyəcəksən. Gördüyün işi bacarsan, amma sevməsən, ruhun olmayacaq.

- İlahi ədalətə inancımı o zaman itirdim ki…

- İtirməmişəm.

- Heç vaxt icazə vermirəm ki…

- Özümə və sevdiklərimə xəyanət edim.

- O zaman riskə gedirəm ki…

- Başqalarının bu riskdən əziyyət çəkməyəcəyini biləndə risk edirəm.

- Çıxılmaz vəziyyətə düşəndə…

- Allaha şükür edirəm, bundan da pis ola bilərdi.

- Yaxşı gündə, pis gündə...

- İnsan yaxşı günündə də, pis günündə də simasını itirməməlidir, ləyaqətini qorumalıdır.

- Cavablar üçün təşəkkür edirəm, biz sizə ancaq gözəl günlərin nəsib olmasını arzu edirik.

- Minnətdaram.

Aytən

Oxumağa davam et
Reklam
Reklam

Gündəm