Rauf Əhmədov: “Kişilər həmişə özünə yaraşanı axtarır” - MÜSAHİBƏ

“- 40 dərəcə”, “Limonlu çay” mahnılarıyla populyarlıq qazanan müğənni Rauf Əhmədov Publika.az-ın “Üç nöqtə” layihəsinin yarımçıq qalan bəndlərini tamamlayıb.

İfaçının cavablarını təqdim edirik.

- İndiki ağlım olsaydı...

- Yenə də azdır.

- Zəmanət verə bilərəm ki...

- Heç nəyə zəmanət vermək olmaz.

- Dünyanı dəyişmək imkanım olsaydı...

- Bu barədə düşünməmişəm, çünkin qeyri-real hadisədir.

- Kişilər o qadınlara xəyanət etmir ki...

- Xəbəri olmayan qadına xəyanət etmir (gülür).

- Seviləsi qadın olmağın ilkin şərti...

- Zövqə görə dəyişir, kişilər həmişə özünə yaraşanı axtarır.

- Qadınlar yaşını ona görə gizlədir ki...

- Bu sualın cavabını qadınlar daha yaxşı bilər. İstənilən halda qadınlar hər yaşda özəl və gözəl ola bilir.

- Qadına qarşı şiddət...

- Təbii ki, qəbulolunmazdır.

- Vicdanıma and olsun ki...

- Vicdanım var.

- Təəssüf edirəm ki...

- Ömür qısadır.

- Tənhalıq insan üçün lənətdir, yoxsa...

- İnsana görə dəyişir, özünü dərk etmə də ola bilər.

- Kiminsə yalan danışdığını hiss edəndə...

- Özümdə səhv axtarıram.

- Dostlarıma ən çox onu məsləhət görürəm ki...

- Dünyanı gəzib görməlisən, insana qalan odur. Həmçinin övlad sahibi olmalısan.

- İlahi ədalətə inancımı o zaman itirdim ki…

- İtirməmişəm.

- Hər dəfə çıxılmaz vəziyyətə düşəndə...

- Uzun məsələdir, təkcə onu deyə bilərəm ki, hər insanın başına gələ bilər.

- Yaxşı gündə, pis gündə...

- Allah hər zaman bizimlə olsun.

- Çox sağ olun. Biz sizə ancaq yaxşı günlər arzu edirik.

- Təşəkkür edirəm.

Aytən