Xüsusi
Gömrükçülərlə BİR GÜN: Rusiya ilə sərhəddən REPORTAJ - FOTOLAR
Dövlət Gömrük Komitəsinin təşəbbüsü ilə media nümayəndələrinin Azərbaycan Respublikasının Rusiya Federasiyası ilə dövlət sərhədində yerləşən Xaçmaz Gömrük İdarəsinin "Samur" keçid məntəqəsinə səfəri təşkil edildi.
Publika.az xəbər verir ki, səfərin məqsədi
sərhədkeçmə prosesini, Vahid Avtomatlaşdırılmış İdarəetmə Sistemi
(VAİS) ilə idarə olunmanı, gömrük nəzarəti prosedurları haqqında
media nümayəndələrini əyani cəhətdən tanış etmək idi.
Dövlət Gömrük Komitəsinin Xaçmaz Gömrük İdarəsinin "Samur" Gömrük
Postunun rəisi Asim Salmanov jurnalistlərin diqqətinə çatdırdı ki,
2018-ci ilin may ayında Samur gömrük məntəqsindən 30 minə yaxın
nəqliyyat vasitəsi keçib: “İdxal və ixrac xətlərinin hər birində
eyni zamanda 3 yük avtomobilini yoxlamaq mümkündür. Bir saat
ərzində "Samur" gömrük məntəqəsinin idxal və ixrac xəttindən ümumi
olaraq 15-20 avtomobil yoxlanılır. Gün ərzində isə təxminən
200-250-yə yaxın minik avtomobili və eyni sayda yük avtomobilləri
də keçir. İdxal və ixrac xətlərinin hər birində eyni anda 3 yük
avtomobilinin yoxlanılması mümkündür. Bir yük avtomobilinin
yoxlanılma prosesi 15-20 dəqiqə çəkir. Minik avtomobilinin
yoxlanışı isə cəmi 5 dəqiqə ərzində tamamlanır. Nəqliyyat
vasitələri əməkdaşlarımız tərəfindən xüsusi qurğular vasitəsilə
yoxlanılır. Prosedurlar yekunlaşdıqdan sonar heç bir problem,
qanunsuzluq təsbit edilməzsə, həmin nəqliyyat vasitələri keçib
məntəqəsindən buraxılır”.
İlk olaraq idxal gömrük nəzarət xəttindəki proseslərlə tanış olduq.
Məntəqədə tanış olduğumuz bir sıra məqamlar xüsusilə diqqətimizi
çəkdi. Nəqliyyat vasitələrinin hansı normativlər əsasında
yoxlandığı, gətirilən malların hansı kriteriyalara
uyğunlaşdırılması ilə bağlı suallarımızı isə qurumun Fəaliyyətin
Qiymətləndirilməsi və İnkişaf Proqramları Baş İdarəsinin Texnoloji
İnnovasiyalar İdarəsinin rəisi Azər Abbasova ünvanladıq. A.Abbasov
jurnalistləri nəqliyyat vasitəsinin yoxlanılması prosesi ilə tanış
edərək bildiridi ki, yük maşınlarının öz çəkisi və əlavə çəkini
müəyyənləşdirmək üçün xüsusi tərəzilərdən istifadə edirlər:
“Minik avtomobilləri sərhəd buraxılış məntəqəsinə daxil olan kimi birbaşa xüsusi cihazlar vasitəsilə yoxlanışa gedir. Yük maşınları isə bu gördüyünüz tərəzilərin üzərinə sürülür. Tərəzinin ətrafında görüntü və səs cihazları quraşdırılıb. Əməkdaşlarımız görüntüyə baxaraq səs vasitəsilə sürücünü yük maşınını tərəzi üzərində düzgün istiqamətdə saxlamasına köməklik edir. Yük maşını çəkildikdən sonra məlumatlar qurumun xüsusi Vahid Avtomatlaşdırılmış İdarəetmə Sisteminin (VAİS) bazasına yüklənir. Daha sonar sürücü sənədləri ilə birlikdə “bir pəncərə” sistemi üzrə yaxınlaşır gördüyünüz qurğuya. Orada xarici pasportunu sistemə yaxınlaşdıraraq şəxsi məlumatlarını bazadan tapır. Məlumatları təsdiqlədikdən sonar sürücü gəldiyi ölkəni, getdiyi ölkəni qeyd edərək “ok” düyməsini sıxır və növbə üzrə sərnişin bəyannaməsi alır. Daha sonra əməkdaşlar sənədlərinə baxış keçirdikdən sonra sürücünün iştirakı ilə maşına fiziki baxış keçirilir. Bunun səbəbi maşında sənədlərdə qeyd edilməyən əlavə gizli malların keçirilmə ehtimalının qarşısını almaqdır”.
Bu istiqamətdə gömrük əməkdaşlarına həm də qurumun Kinoloji Xidmətində saxlanılan itlər də köməklik göstərir. Avtonəqliyyat vasitələrinə baxış zamanı xüsusi təlim görmüş itlərdən istifadə olunur.
Ölkəyə gətirilən malların təhlükəsiz çatdırılması və
göndərilməsi məqsədilə yük maşınlarına xüsusi “blomb” və “GPS”
xidmətləri qoşulur:
“Fiziki baxış keçirilən zaman nəqliyyat vasitəsinin gəldiyi
respublikada vurulan “blomb” yoxlanılır. Normativlərə uyğun olaraq
əməkdaşlarımız fiziki yoxlanışı yekunlaşdırdıqdan sonra maşınların
üzərinə ikinci “blomb” da vurulur və mexaniki-elektron kilidlə
(GPS) təmin edilir. GPS xidmətinin əsas funksiyası nəqliyyat
vasitəsinin təhlükəsiz şəkildə təyinat məntəqəsinə çatmasını
izləməkdən ibarətdir. Belə ki, nəqliyyatın trayektoriyası hədəf
mərkəzindən izlənilir. Əgər nəqliyyat vasitəsi onun üçün təyin
edilən trayektoriyadan çıxaraq başqa istiqamətə hərəkət edərsə,
dərhal GPS (Kilid) xidməti siqnal ötürür və həmin nəqliyyatın hansı
səbəbdən qeyd edilən xəttən çıxması aydınlaşdırılır. Əlaqə
saxlanılır və həmin əraziyə ən yaxın mobil qruplara məlumat
verilərək nəqliyyat vasitəsinin tapılması təmin edilir. Bu
qurğuların hər hansı bir şəkildə qırılması, açılması mümkün deyil.
Bu GPS kilidlərin 3 açarı olur və onların heç biri digərini aça
bilmir. Bunlardan biri bizdə qalır, biri təyinat məntəqəsində olur,
digəri isə ehtiyat üçün saxlanılır. Prosesun sonunda isə sürücüyə
xüsusi barkod verilir və nəqliyyat vasitəsi təyinat gömrük orqanına
yola salınır. Sənədlər qaydasında olduğu halda gömrük yoxlanışı 15
dəqiqə ərzində yekunlaşdırılır”.
A.Abbasov deyir ki, nəqliyyat vasitələri maksimum 30 saat ərzində
təyinat məntəqəsinə çatmalıdır. Gecikmə halları müşahidə edildiyi
zaman GPS vasitəsilə nəqliyyat vasitəsinin yeri təyin edilir və
yubanmanın səbəbləri öyrənilir.
Media nümayəndələrinə gömrük postunda bütün proseslərin
informasiya-kommunikasiya texnologiyalarının tam tətbiqinin minimum
vaxt ərzində, asan və şəffaf şəkildə, insan amilinin minimuma
endirildiyi texnoloji avadanlıqlar vasitəsilə həyata keçirildiyi
bildirilib. Ölkənin gömrük ərazisinə daxil olan nəqliyyat
vasitələrinin dövlət qeydiyyat nişanı xüsusi müşahidə kameraları
ilə VAİS-ə daxil edilir.
Ölkədə Gömrük rüsumlarının qiymətlərində heç bir dəyişiklik
olmadığı da jurnalistlərin diqqətinə çatdırıldı. Bildirildi ki,
daşıma şirkətlərinin hər hansı bir şəkildə qiymətləri
qaldırmalarının Gömrük Komitəsinə heç bir aidiyyəti yoxdur.
İstehlakçı gömrük məntəqəsindən qanunla icazə verildiyi məhsulları
ümumi çəkisi 30 kiloqramdan çox olmamaq şərtilə keçirə bilər. Əgər
göstərilən çəkidən çox olarsa, bu götürülərək saxlanılır. Əgər şəxs
onu müvafiq zamanda gömrükdən götürməzsə, qanuni normalara uyğun
olaraq həmin mallar məhv edilir.
Daha sonra KİV təmsilçiləri ixrac gömrük nəzarət xəttində həyata
keçirilən əməliyyatlarla da tanış oldular. Bildirildi ki, ölkənin
kənd təsərrüfatı sahəsində ixrac potensialının artımı nəzərə
alınaraq, Rusiya Federal Gömrük Xidmətilə Azərbaycan Respublikası
Dövlət Gmrük Xidməti arasında qarşılıqlı razılıq əldə olunub.
A.Abbasovun sözlərinə görə, iki gömrük xidməti arasında ixrac
prosesi 2015-ci ildə imzalanmış “bəzi kənd təsərrüfatı məhsullarına
münasibətdə gömrük nəzarətinin qarşılıqlı tanınması” haqqında
protokola əsasən tənzimlənir:
“Bu protokolun məqsədi Rusiyaya ixrac edilən Azərbaycan kənd
təsərrüfatı mallarının gömrük nəzarətində müvafiq olaraq
yoxlamalardan azad olmasıdır. Buna görə prtokol əsasında çıxarılmış
manifestdə mal müşayət sənədlərində zəruri məlumatlar qeyd edilir.
Burada eyni zamanda yük maşınına tərəfimizdən vurulan gömrük
təminatı haqqında məlumat, yükə dair məlumatlarlar elektron qaydada
Rusiya tərəfinə ötürülür. İxrac edilən məhsulla bağlı informasiya
daha əvvəldən Rusiya Federasiyasına ötürüldüyü üçün Azərbaycandan
gedən yük maşınları orada gömrük yoxlamalarına məruz qalmır. Bu isə
ilk növbədə ixrac edilən məhsulun uzun müddət gömrük məntəqələrində
qalaraq yararsız hala düşməsinin qarşısını alır. Bu sistem
sayəsində respublikada ixrac prosesi sadələşdirilir. Artıq bütün
Gömrük məntəqələri 24 saatlıq iş rejimi ilə fəaliyyət göstərir. Onu
da qeyd edək ki, hər gün "Samur" gömrük postundan 1000-ə yaxın
avtomobilin keçidi təmin edilir”.
Son olaraq jurnalsitlərə Dövlət Gömrük Komitəsində (DGK) tətbiq
edilən iki mühüm yenilik haqında da məlumat verildi. Bunlardan biri
2018-ci ilin may ayının 29-dan DGK tərəfindən aktivləşdirilən yeni
“sms” xidmətidir. Bu "sms" xidmətinin vasitəsilə sahibkarlar
nəqliyyat vasitələrinin buraxılış məntəqəsindən çıxaraq, təyinat
məntəqəsinə yollandıqları haqqında dərhal məlumat əldə edə
biləcəklər. Digər bir yenilik isə Gürcüstan, Ukrayna və İranla
birbaşa informasiya mübadiləsi apararaq gömrükdə gözləmə müddəti
minimuma endirilir.
Könül Cəfərli
-
Dünya10:56
Almaniya prezidenti İstanbulda hər kəsi təəccübləndirdi: Dönər kabab...
-
Nida Xəbər 10:16
General Mirzəyev və 40 məmura sanksiya təklif edilir - SİYAHI
-
Qarabağ 10:06
Araikin efirə getməyən müsahibəsi haqda sensasiyalı iddia: Nikol dərhal nə edib?
-
MDB09:45
Rusiya bu ərazidə nüvə silahı yerləşdirib - Şok iddia
-
Nəqliyyat08:25
Bakının bu yollarında tıxac var - SİYAHI
-
Magazin108:10
Şəbnəmin prodüseri vəfat etdi
-
Qoroskop07:39
Bu 3 bürcün may ayında bəxti gətirəcək
-
Magazin107:25
Məşhur aktyor Serenayla tərəf müqabili olacaq