ABŞ-da “qara dəlik” qorxusu - Bütün regionu UDACAQ

Ağ Ev Rakkanın azad edilməsindən sonra Suriyada vəziyyətin nizama salınması üzrə dəqiq strategiyaya malik deyil.

Publika.az “Röyters” agentliyinə istinadən xəbər verir ki, bu haqda rəsmi mənbələrə istinadən NBC telekanalı bildirib.

Telekanal qeyd edir kimi, Suriya üzrə planın müzakirəsi çətinliklərlə rastlaşıb. Xüsusi halda, ABŞ-ın siyasi dairələri ölkənin prezident Bəşər Əsəd və İran güclərinin nəzarətinə verilmədən döyüşçülərdən azad edilməsi üzrə eyni fikrə gələ bilmirlər. Bundan başqa, Vaşinqtonda Suriyada hakimiyyətin ötürülməsi üsulu üzrə razılaşma yoxdur.

NBC mənbələrinin məlumatına görə, Donald Tramp administrasiyasının ən mühafizəkar üzvlərindən biri, ABŞ-ın BMT-dəki daimi nümayəndəsi Nikki Heyli Əsədin hakimiyyətdən kənarlaşdırılmasını qətiyyətlə dəstəkləyirlər. Ancaq Amerika hökumətinin bəzi əməkdaşları əmindirlər ki, yalnız Əsəd Suriyanın regionun çox hissəsini udmağa qadir olan “qara dəliyə” çevrilmədən saxlayır.

Qeyd edək ki, ABŞ-ın başçılıq etdiyi koalisiyanın məlumatına görə, “Suriya Demokratik Gücləri” (əsas hissəsini PYD gücləri təşkil edir –red.) hazırda Rakka şəhərinin 90 faizinə nəzarət edirlər. Dəməşq Rakkaya hücum əməliyyatını qanunsuz hesab edir.

İŞİD terrorçuları Rakkanı 2013-cü ildə tutublar. Şəhər həmin vaxtdan “İslam dövləti” qeyri-rəsmi paytaxtı hesab edilir.

Ömər