Dünya
Olland prezidentlərin görüşünü yenidən təşkil edəcək – İddia
Azərbaycan və Ermənistan prezidentləri Fransa prezidenti Fransua Ollandın təşəbbüsü ilə yaxın zamanlarda yenidən görüşə bilərlər. Publika.az xəbər verir ki, Rusiya mediası bu barədə qərb mənbələrinə istinadən məlumat yayıb.
Məlumata görə, NATO-nun Uels sammitində hər iki ölkənin dövlət başçıları ilə ayrılıqda görüşən Olland Qarabağ mövzusuna da toxunub. Məhz Uels sammitindən sonra Fransa prezidentinin təşəbbüsü ilə üçtərəfli görüş keçirilə bilər.
Qeyd edək ki, bu ilin iyulunda Olland prezidentlərin görüşməsi
ilə bağlı təklif irəli sürmüşdü. Həmin vaxt Fransanın
Ermənistandakı səfiri açıqlama ilə çıxış edərək bildirmişdi ki,
Azərbaycan və Ermənistan prezidentləri görüşmək barədə razılığa
gəlsələr, Fransa görüşün keçirilməsi üçün əlindən gələni
edəcək.
“Dağlıq Qarabağ münaqişəsinin nizamlanması istiqamətində aparılan
danışıqlar prosesini sürətləndirmək lazımdır. Bundan başqa, Olland
münaqişə ətrafında razılığın əldə olunması üçün tərəfləri
mövqelərini dəyişməyə çağırmışdı. Məhz buna görə də Fransua Olland
görüşün keçirilməsini təklif edib. İndi isə Azərbaycan və
Ermənistan prezidentləri görüşlə bağlı razılığa gəlməlidir. Biz
görüşün keçirilməsinə hazırıq”, - deyə səfir bildirmişdi.
Lakin həmin vaxt görüşlə bağlı razılaşma əldə olunmadı.
Azərbaycan Xarici İşlər Nazirliyinin mətbuat xidmətinin rəhbəri
Elman Abdullayev də Publika.az-a açıqlamasında bu
təklifi dəyərləndirərkən demişdi ki, Azərbaycan görüş xatirinə
görüşlərin keçirilməsini istəmir.
XİN sözçüsü qeyd etmişdi: “Biz görüşlərdən konkretlik istəyirik və
danışıqların substantiv şəkildə aparılmasının tərəfdarıyıq. Təəssüf
ki, bu gün Ermənistan görüşlərin keçirilməsinə maraq nümayiş
etdirmir və müxtəlif bəhanələrlə bundan qaçır. Bir şeyi
anlamalıdırlar ki, müxtəlif bəhanələrlə qaça bilərlər, amma bu
məsələlərin əsasında Ermənistanın işğalçılıq siyasəti dayanır.
Ermənistan Azərbaycan ərazilərini tərk etməli, bu da sülh
prosesinin başlanğıcının əsası olmalıdır. Cənab Prezidentin də qeyd
etdiyi kimi, etimad tədbirləri işğal olunmuş ərazilərin
boşaldılmasından sonra başlaya bilər. Həmsədrlər də vasitəçilik
missiyalarının uğurlu olması üçün buna çalışmalıdırlar və bütün
danışıqlar mahiyyət üzərində qurulmalı, konkret nəticələrə
söykənməlidir”.
Ollandın bu təklifi qəbul edilmədikdən sonra cəbhədə məlum
gərginlik yaşandı. Daha sonra Rusiyanın təşəbbüsü ilə Soçi görüşü
baş tutdu. Ekspertlər bunu Rusiyanın Qərbə əzələ nümayişi hesab
edirdilər. Ehtimallar var idi ki, Qərb Qarabağ münaqişəsinin
həllində aktivləşəcək. Hazırkı proseslər də məsələlərin buna doğru
getdiyini göstərir.
Asif Nərimanlı
-
Magazin101:41
Namiq Qaraçuxurlu: “Ayrılığı çətin keçirirəm”
-
İdman01:11
Ronaldo het-trik etdi - VİDEO
-
Magazin100:15
Elzanın oğlu əsəbiləşib məclisi tərk etdi - FOTO
-
Magazin24 May 23:48
“Əsgərlər” serialının aktrisası VƏFAT ETDİ
-
Sosial4 May 21:10
“Green card” müraciətlərinin nəticələri AÇIQLANDI - YENİLƏNDİ
-
Magazin14 May 20:36
“Toppuş bacı”nın həyat yoldaşı yenidən ailə qurur? - FOTO
-
Art4 May 20:00
"Sehirli xalat"ın "Zərifə" və "Eldar"ı 60 il sonra - VİDEO
-
Kriminal4 May 19:55
Azərbaycanda həkim güllələnərək öldürüldü - TƏFƏRRÜAT/YENİLƏNDİ