Dünya
Əminə Ərdoğan Bakı ilə bağlı bəyanat verdi
Türkiyə prezidentinin mətbuat katibliyi Rəcəb Tayyib
Ərdoğanın həyat yoldaşı Əminə Ərdoğanın Bakıda reallaşacaq moda
sərgisində iştirakına mane olduğu ilə bağlı yayılan iddialara cavab
verib.
Axar.az xəbər verir ki, katiblik
Əminə Ərdoğan haqda mediada yayılan məlumatların həqiqətə uyğun
olmadığını bildirib:
“Bu gün bir moda layihəsi çərçivəsində Bakıda reallaşdırılacaq
tədbirin iştirakçılarına hörmətli prezidentin həyat yoldaşı Əminə
Ərdoğanın bilvasitə müdaxilə etdiyi ilə bağlı yayılan iddialar
gerçəklik xaricindədir. Hörmətli Əminə Ərdoğanın hər hansı bir
nümayişdə hansı kolleksiyanın yer alacağına qarşımayacağı aydın
olduğu kimi, eyni xəbərdə adı çəkilən holdinq ilə gizli ortaqlığı
olduğu istiqamətindəki iddialar da tamamilə böhtandır. Hörmətli
Ərdoğan müzakirə mövzusu olan əsassız iddia və böhtanlarla əlaqədar
hər cür hüquqi haqqını da qorumaqdadır”.
Xatırladaq ki, həm Türkiyə mətbuatında, həm də Azərbaycan
mətbuatında yer alan xəbərlərə görə, Bakıda keçirilməsi
planlaşdırılan moda sərgisinə dəvət edilən Türkiyənin məşhur
modelyeri Yıldırım Mayrukun rəhbərlik etdiyi “Yıldırım Mayrukun
Kolleksiyası” son anda verilən bir qərarla siyahıdan
çıxarılıb.
Buna səbəb “Yıldırım Mayrukun Kolleksiyası”nda iştirak edən stilist
Barbaros Şansalın Türkiyə hökumətinin əleyhinə tənqidi fikirlər
səsləndirməsidir. B.Şansal “Sözçü” qəzetinə açıqlamasında bildirib
ki, onların sərgidən çıxarılmasının səbəbi Türkiyə prezidentinin
xanımı Əminə Ərdoğanın həmin sərgidə iştirakı ilə
bağlıdır.
Türkiyədə baş verən Gəzi parkı hadisələri zamanı da hökuməti sərt
şəkildə tənqid edən B.Şansal deyib ki, hökumətə yaxınlığı ilə
tanınan “Aydeniz Holdinq”in sahibinə şəxsən Ankaradan gələn bir
zəngdən sonra onlar sərgidən çıxarılıblar.
“AKP-nin müxalif düşüncəli insanlara qarşı dözümsüzlüyü var.
İştirakımız elan edildiyi halda bu layihədən Ankara və AKP-nin əmri
ilə çıxarıldıq. “Aydeniz Holdinq”ə rəhbərlik edən Hatice Aydenizin
atasına Ankaradan zəng edilib. “Yıldırım Mayruk Kolleksiyası”
dekabrın 27-də Bakıda reallaşacaq sərgidən “HADİJE İSTANBUL”
kolleksiyasına görə çıxarılıb. Səbəb kimi isə bu sərgiyə Əminə
Ərdoğanın da qatılacağı göstərilib. Bakı mətbuatı qarışıqlıq
içindədir. Hadisənin səbəbini öyrənmək üçün bizə zəng edirlər”, -
deyə B.Şansal açıqlamasında bildirib.
-
Magazin101:41
Namiq Qaraçuxurlu: “Ayrılığı çətin keçirirəm”
-
İdman01:11
Ronaldo het-trik etdi - VİDEO
-
Magazin100:15
Elzanın oğlu əsəbiləşib məclisi tərk etdi - FOTO
-
Magazin24 May 23:48
“Əsgərlər” serialının aktrisası VƏFAT ETDİ
-
Sosial4 May 21:10
“Green card” müraciətlərinin nəticələri AÇIQLANDI - YENİLƏNDİ
-
Magazin14 May 20:36
“Toppuş bacı”nın həyat yoldaşı yenidən ailə qurur? - FOTO
-
Art4 May 20:00
"Sehirli xalat"ın "Zərifə" və "Eldar"ı 60 il sonra - VİDEO
-
Kriminal4 May 19:55
Azərbaycanda həkim güllələnərək öldürüldü - TƏFƏRRÜAT/YENİLƏNDİ