Magazin1
Azərbaycan Bülbülünün xatirə günüdür
Sentyabrın 26-sı Azərbaycan professional vokal sənətinin banisi, görkəmli opera müğənnisi, SSRİ Xalq artisti Bülbülün xatirə günüdür.
Publika.az xəbər verir ki, Azərbaycan musiqisində misilsiz xidmətləri olan Bülbülün əsil adı Murtuza olub. Onun bulaq kimi qaynayan səsi və qeyri-adi avazı onu Bülbül kimi tanıtdı.
Bülbül Məmmədov 1897-ci ildə Şuşa yaxınlığında, Xanbağı adlanan
yerdə anadan olub. Səhnə fəaliyyətinə 1916-cı ildən başlayıb.
1920-ci ildən Azərbaycan Opera və Balet Teatrının solisti olub.
Fəaliyyətinin ilk illərində Üzeyir Hacıbəyovun “Leyli və Məcnun”
(İbn Salam), “Əsli və Kərəm” (Kərəm), Z.Hacıbəyovun “Aşıq Qərib”
(Qərib) operasında oynayıb.
1927-ci ildə Bakı Konservatoriyasını bitirib. Təhsilini davam
etdirmək üçün dövlət xətti ilə İtaliyanın Milan şəhərinə gedib.
1931-ci ildə Milan Konservatoriyasını bitirərək vətənə geri dönüb
və Azərbaycan Dövlət Konservatoriyasında dərs deməyə başlayıb.
1932-ci ildə Bülbülün təşəbbüsü ilə Azərbaycan Dövlət
Konservatoriyası nəzdində Azərbaycan xalq musiqisini öyrənən
elmi-tədqiqat kabineti yaradılıb. 1945-ci ildən etibarən Azərbaycan
xalq musiqisinin tədqiqi ilə Azərbaycan Elmlər Akademiyasının
İncəsənət İnstitutu məşğul olmağa başlayıb.
Bülbül 1938-ci ildə SSRİ Xalq artisti adına layiq görülüb, 1940-cı
ildə professor seçilib, 1950-ci ildən SSRİ Dövlət Mükafatı
laureatıdır.
Hal-hazırda Bakı şəhərində mərkəzi küçələrdən biri Bülbülün adını
daşıyır, onun adına Konservatoriyanın nəzdində musiqi məktəbi
fəaliyyət göstərir.
Bülbül Azərbaycan SSRİ Ali Sovetinin deputatı olub, 2 dəfə “Lenin”
Ordeninə, 2 “Qırmızı Əmək Bayrağı” ordeninə, “Şərəf nişanı”
ordeninə, İtaliyanın “Qarribaldi” ordeninə və medallara layiq
görülüb.
26 sentyabr 1961-ci ildə Bakı şəhərində vəfat edib.
Cəvahir
-
Magazin101:41
Namiq Qaraçuxurlu: “Ayrılığı çətin keçirirəm”
-
İdman01:11
Ronaldo het-trik etdi - VİDEO
-
Magazin100:15
Elzanın oğlu əsəbiləşib məclisi tərk etdi - FOTO
-
Magazin24 May 23:48
“Əsgərlər” serialının aktrisası VƏFAT ETDİ
-
Sosial4 May 21:10
“Green card” müraciətlərinin nəticələri AÇIQLANDI - YENİLƏNDİ
-
Magazin14 May 20:36
“Toppuş bacı”nın həyat yoldaşı yenidən ailə qurur? - FOTO
-
Art4 May 20:00
"Sehirli xalat"ın "Zərifə" və "Eldar"ı 60 il sonra - VİDEO
-
Kriminal4 May 19:55
Azərbaycanda həkim güllələnərək öldürüldü - TƏFƏRRÜAT/YENİLƏNDİ