Qırmızı.az
Dəhşətli faciə: 32 uşaq diri-diri yandı – VİDEO – FOTO
Kolumbiyanın Fundasion şəhərində kilsədən qayıdan uşaqların olduğu sərnişin avtobusu yanıb. Faciədə 32 uşaq və onları müşayiət edən bir valideyn diri-diri yanıblar.
Milli.az El Espectador-a istinadən bildirir ki, polisdən verilən məlumata görə, avtobusun partlaması və yanmasının səbəbi benzindir. Yolda olarkən avtobusun mühərriki sönüb. Sürücü Hayme Qutyerres də mühərriki işə salmaq üçün benzin bakından yanacağı götürərək kanistrlə bilavasitə mühərrikə töküb.
Mühərrik alışıb və alov çox qısa zamanda avtobusa yayılıb.
Sürücü və 18 sərnişin sağ qalıblar. 20 yaralı olduğu bildirilir.
Avtobusda həlak olmuş uşaqlar elə güclü yanıblar ki, onların kimliyini yalnız dişləri vasitəsilə müəyyənləşdirmək mümkündür.
Kolumbiya prezidenti Xuan Manuel Santos mayın
25-də keçiriləcək prezident seçkiləri ilə bağlı təbliğat
kampaniyasını dayandıraraq, ölkədə milli matəm elan edib.
Avtobusda diri-diri yanan uşaqlar 3-12 yaş arasında olublar.
Avtobusu kirayəyə götürmüş yevangelist kilsənin keşişi Roberto Padilya və sürücü H.Qutyerresə qarşı cinayət işi açılıb. Vəkil Maurisio Ramiresin dediyinə görə, bu adamları 60 il həbs gözləyə bilər.
Hayme Qutyerresin vəkili Dieqo Duke isə belə cəza ilə razı deyil: "Müvəkkilim ən uzağı 15 il müddətinə azadlıqdan məhrum olunmalıdır. Bu faciə bilərəkdən yox, təsadüfən baş verib. Biz keşişlə sürücünü cəmiyyətə bilərəkdən ağır ziyan vurmağa çalışan cinayətkarlarla müqayisə edə bilmərik".
Fundasion şəhərinin meri Luiz Estella Dura
faciənin ən ciddi şəkildə araşdırılacağını bildirib.
Şəhər sakini, 54 yaşlı Nelsoni Tapias avtobus faciəsində 6 nəvəsini itirib: "Ürəyim parçalanıb, ölmək istəyirəm. 6 balacanı itirdim".
Fundasion şəhər polisinin rəisi, general Karlos
Menanın dediyinə görə, 1993-cü ildə istehsal olunmuş Dodge
avtobusu köhnəlibmiş və azyaşlı sərnişinlərin daşınması üçün
nəzərdə tutulmayıb.
Keşiş Roberto Padilya şəhərdən qaçıb. Onun harada olduğu bilinmir.
Şəhər sakini Fanni Valseyronun dediyinə görə,
camaat bu keşişi tutmaq və diri-diri yandırmaq istəyib.
-
Magazin100:15
Elzanın oğlu əsəbiləşib məclisi tərk etdi - FOTO
-
Magazin24 May 23:48
“Əsgərlər” serialının aktrisası VƏFAT ETDİ
-
Sosial4 May 21:10
“Green card” müraciətlərinin nəticələri AÇIQLANDI - YENİLƏNDİ
-
Magazin14 May 20:36
“Toppuş bacı”nın həyat yoldaşı yenidən ailə qurur? - FOTO
-
Art4 May 20:00
"Sehirli xalat"ın "Zərifə" və "Eldar"ı 60 il sonra - VİDEO
-
Kriminal4 May 19:55
Azərbaycanda həkim güllələnərək öldürüldü - TƏFƏRRÜAT/YENİLƏNDİ
-
Magazin14 May 19:12
Orxan Lökbatanlı SÖZ VERDİ: "Rəşad Dağlı azad olunanda..." - VİDEO
-
Elm və təhsil4 May 18:50
Misir Mərdanov nazir olanda hansı qohumlarına vəzifə verib? - Özü DANIŞDI / VİDEO