Qırmızı.az

Azərbaycanda holdinq prezidenti həbs edildi

27 May 2014 13:37

“Merac Holdinq”in prezidenti Səbuhi Əliyev həbs edilib.

AzNews.az-a daxil olan məlumata görə, bu günlərdə Bakıda keçirilən “Miss Globe İnternational” Beynəlxalq Gözəllik Yarışmasının əsas təşkilatçılarından olan S.Əliyev barəsində 24 may tarixində Binəqədi rayon məhkəməsinin qərarı ilə 2 aylıq həbs qətimkan tədbiri seçilib. Bildirilir ki, ona qarşı rüşvət və dələduzluq maddələri ilə ittiham irəli sürülüb. Səbuhi Əliyevin hazırda Kürdəxanı təcridxanasında saxlanıldığı deyilir. Məlumata görə, onun həbsinin maksimum dərəcədə gizli saxlamağa çalışıblar.

Bunun səbəbi isə bu həbsdən sonra Bakıda keçirilən “Miss Globe İnternational” Beynəlxalq Gözəllik Yarışmasının təxirə düşmə ehtimalının olmasıdır.